系新華，藏住一片老舊住宅區，果度隻有密密麻麻嘅一片舊樓，對于花都嘅街坊來講，佢系花都最具有情懷嘅地方之一，佢就系橫潭。

撐家姐細個果陣，就經常跟住媽媽去橫潭買野。

橫潭除咗有賣蔬菜水果之外，仲有日常用品，周邊仲有好多接地氣嘅美食店，佢地雖然無出面嘅網紅店睇上去咁高貴優雅，但系勝在性價比高。

今日撐家姐決定帶大家來橫潭周邊逛吃逛吃逛吃~

系商業大道嘅味康源養生堂，一直都系附近新中同秀中嘅學生飯堂。

撐家姐作為曾經系附近返過學嘅學生，咁梗系熟客仔啦！

撐家姐最中意就系味康源嘅煲仔飯啦，人均先15蚊左右，個煲飯料足到滿出來，而且個煲有成個手掌咁大。可謂大件夾抵食！

沿住味康源旁邊條巷行入去，有一間老字号缽仔糕——客家缽仔糕，相信唔少系橫潭附近嘅撐友都應該幫襯過。

阿姨呢度嘅缽仔糕系傳統嘅款式，口感更厚實，裝系一隻小陶瓷碗裡面，用竹簽沿着碗邊刮一圈，再成塊插起來食。

撐家姐本來今日想返來再試下阿姨嘅缽仔糕嘅，點知阿姨同撐家姐講，今日嘅缽仔糕已經賣曬啦！

阿姨話，佢早上7點幾就開檔，每日賣到中午12點左右就賣曬。所以想試下阿姨嘅客家傳統缽仔糕嘅撐友們就記住要早d去啦~

出咗味康源門口，向住新中方向行，系新中後門就一間飲品店，西檸鮮果飲品。

系缽仔糕店轉出來就會見到有幾家燒臘店，其中香滿街燒臘系最老嘅燒臘店。

花都人最中意就系落街“斬料”！屋企有喜事要慶祝，屋企人會好開心咁系樓下燒臘鋪斬料上嚟。

講起橫潭市場燒臘店，撐家姐第一時間就會霖起香滿街燒臘，因為細個果陣，撐媽媽成日帶撐家姐去呢家燒臘店斬料加餸~

沿住燒臘店再往前行系遠芬粽子店啦，阿姨包嘅粽真系落足曬料。花生 紅豆 眉豆 綠豆 闆栗 鹹蛋 香菇 瑤柱 雙份五花肉的至尊組合，先7蚊！

糯米同豆類嘅分布剛好，口感軟糯，豬肉一吃就知比較新鮮，7元嘅至尊粽子确實料很豐富，仲有禮盒裝，怪唔得咁多人買啦~

經過粽子店，行過下一條巷就會見到一個阿叔推部車仔來賣涼拌。

呢個阿叔系橫潭市場擺檔擺咗好耐啦，撐家姐仲讀緊中學果陣就經常同同學去幫襯。

阿叔涼拌嘅價錢一直都系咁便，6蚊就一大盒。阿叔份人好nice，見到着住校服嘅學生會打個折~

撐家姐都畢咗業咁多年啦，阿叔d涼拌味道仲系無變~

行到橫潭牌坊，會見到有個阿姨系度擺牛雜檔，擺咗20年啦。佢嘅牛雜價錢便到你唔敢相信！

牛雜兩蚊一串，魚蛋居然一蚊雞就有四粒！牛肉丸一蚊三粒！

阿姨每日下午2點就出來擺檔，擺到6點鐘就返屋企。想要幫襯嘅撐友就要趁早啦~

從橫潭牌坊直入，會見到一間八哥酸辣粉，中意食酸辣粉嘅撐友應該都唔陌生。

八哥酸辣粉雖然無舒服嘅環境，無網紅嘅拍照素材，卻是一家用淳樸嘅心做出來嘅酸辣粉，一切都咁自然、親切。

店裡最受歡迎當屬酸辣粉，有薯粉、桂林米粉或河粉三種粉供選，也有面，根據自己的喜好選擇。

中意食面嘅撐友可以選擇面，大份嘅面，真系大到要溢出碗，同樣配方嘅酸辣面，尤其早上來一碗，方便又頂肚。

行出橫潭牌坊，向新中方向行，就會看見一間不是很起眼的甜品店——新口味甜品。

雖然新口味甜品個店面唔系好顯眼，但其實佢系橫潭牌坊對面已經開咗22年啦，系一對老夫妻經營嘅。

店裡面所有糖水都系老闆親自煮，而且成間店淨系賣糖水，無賣其他野。

即使淨系賣糖水，老闆同老闆娘兩個人每日都系做到踢曬腳，佢地每日下午2點開檔，到淩晨2點。

想要去試下新口味甜品嘅撐友，就要記好個營業時間啦~

呢度嘅每一樣甜品都好正，d味道令人霖起阿媽煮嘅糖水~

系新口味甜品門口再往前行d，就會見到新力園快餐店。

新力園快餐店開正系新中後門，好多新中嘅同學仔食厭咗學校飯堂嘅飯菜，就會組隊出來試下d新嘢。佢地除咗去食，就系來新力園。

除咗新中嘅學生經常來幫趁之外，住系附近嘅街坊或者附近嘅上班族都會經常來幫襯。

新力園之所以咁受附近街坊歡迎，因為呢度嘅快餐，性價比真系好高，10蚊就有兩肉兩菜，13蚊就有三肉兩菜。

而且店裡面嘅環境都唔錯，雖然裝修簡單，但系選用嘅都系大理石台凳，俾人嘅感覺就好幹淨整潔~

最後就系新中後門嘅西檸鮮果飲品店。

西檸嘅水果茶味道唔錯，呢度除咗有野飲之外仲有手抓餅食。

見到系飲品店門口坐住嘅後生仔，就令撐家姐霖翻起，自己仲讀緊中學嘅時候，每日放學一出門就梗要系學校後門買杯野飲，同朋友仔邊行邊飲。

系街市周邊，邊走邊食，已經唔多見了。咁樣慢悠悠嘅生活節奏，偶爾停下來，細細品嘗市場入邊嘅接地氣美食，呢個都系生活嘅一種享受~

最後來一波投票，橫潭周邊的美食店，邊一間系你最中意嘅？

互動留言

大家還知道哪裡還有隐藏的美食？

留言話俾撐家姐知啦~

更多精彩资讯请关注tft每日頭條，我们将持续为您更新最新资讯!