Hea呢個字，今時今日肯定冇人會覺得陌生。但系hea嘅粵語正字，相信冇咩人知道。

上網一查，維基詞典收錄咗某個假說：将hea寫成「迆」或「迤」，粵語發音為“以”。其實「迆」、「迤」無論讀音定意思都同hea相差甚遠，明顯存在巨大争議！

而細心一查，網上流傳hea嘅正字仲有「嬉、憩、愒、歇、戲、呬」等等，就連英文h e a 定h a e都存在争議。

香港名填詞人黃偉文根據hea嘅讀音

原創出一個hea嘅新造字。

↓↓

hea嘅粵語正字系邊個？呢個問題非常複雜！但今次，百度百科就嚴謹得多！真系對百度刮目相看！

但系話hea嘅使用語境同“搵”相近，呢個講法又有冇道理呢？

hea确實系一個古粵語嘅動詞，有“用手翻找”嘅意思。但系因為生活當中使用嘅語境不斷變化，hea嘅意思都有變化同引申。

例如：

1、仔啊，食飯唔好hea餸，畀人話冇禮貌嘎。

（hea：用筷子翻找）

2、你夜晚成日hea被，小心感親啊！

（hea：不自覺地用手腳掀開、翻開。）

近幾年，hea開始喺廣東粵語區流行，但系流行嘅意思又有幾大改變呢？

1、“hea做”→“馬馬虎虎，求其”，作狀語；

2、“去hea下”→“無所事事”，作動詞謂語；

3、“你唔好咁hea”→“頹廢”，形容詞；

三個hea字盡管詞性唔同，但系都有“慵懶、頹廢”嘅意思。

依家幾乎個個人都知道hea呢個潮語，而且都活學活用。但系就未必個個都知道佢原本嘅意思。而hea代表“頹廢”嘅意思由來更加系講唔清楚。

hea真正流行大概5、6年。首次喺媒體上面出現可以追溯到2002年，陳奕迅代言利賓納，廣告标語就系“手提利賓納，出街hea嘅指定飲品”。

仲有一個已鮮為人知嘅講法：80年代，當時Beyond仲系地下樂隊，有日喺電視睇到一隻樹獺，挂喺樹上好無聊，Beyond成員就你一言我一語咁搵一個詞形容呢隻樹獺，結果個個都覺得“hea”最貼切。從此就喺band友中流行起身。

粵語作為一種彙聚古漢語同各地文化嘅語言，确實博大精深！雖然hea呢個字仲未有一個公認嘅正字，但hea本身就蘊含廣大民衆嘅智慧文化。

對未知，希望人人都可以hea出新知識！

（表用手翻找）

對自己，希望人人都唔好咁hea！

（表頹廢慵懶）

綜合自維基詞典、百度百科、

《hea的正寫就是hea》馮晞乾

童說嶺南系列叢書

《街巷探秘》、《廣飲廣食》、《小腳走古迹》

同小朋友一齊分享好多廣州人都唔知嘅古仔！

,

更多精彩资讯请关注tft每日頭條，我们将持续为您更新最新资讯!

查看全部