“上海”是中國最早畀開放呃城市之一，1843年伊就被迫呃畀開埠嘞，疊座城市是一座五方雜處呃城市，像疊種類型呃城市，是邪氣容易吸收并接受外唻文化搭多遠文化呃，與此同時疊座城市呃文化是兼容并蓄兼而有之呃，有得覅少呃言語也是從外頭引進唻呃。

比方講：上海方言閒話就是屬于吳語體系當中呃一嗰分支，但凡是江浙滬一帶，應該侪都是屬于吳語體系。普通閒話當中“在哪裡”呃“在”字，到嘞上海方言閒話當中，伊就畀叫做嘞“勒拉”，要是吾伲畀疊嗰詞語，采用上海方言拼音字母唻注一下音呃閒話，伊嗰讀音就是為：【laklak】，疊嗰詞語實際哴向就是從外頭引進唻呃。

有得覅少土身土長呃上海人，還會得去認為，有得交關多呃上海方言閒話，隻恁夠去意會、隻好去讀出唻、講出唻，要是用文字去記錄下唻呃閒話，恐怕就變得覅唻三、邪氣困難嘞，大約摸隻要是意思對嘞就可以嘞，是用覅着去叫真呃，上海方言閒話也是呒得一嗰頂頂正确呃寫法呃。同樣上海拼音注音為【laklak】，伊呃寫法就有得四種，伊拉分别畀寫作嘞“勒拉”、“辣辣”、“辣拉”搭“勒辣”。

還依據懂得上海灘哴向曆史、文化、文字搭語言呃專家們唻講，今早仔疊嗰四種寫法搭講法，侪都是對呃、可以呃，侪都是呒啥呃錯誤呃。疊嗰四嗰字，侪都是可以去表示普通閒話中呃“在”字。

繼續打一嗰比方講下去，當時光疊部列車開到嘞20世紀20年代呃辰光，按照最最正确、最最标準呃讀音，聽音記音邪氣内行呃語言學家趙元任先生，伊本人勒拉1928年出版過一本叫做《現代吳語的研究》一書，裡面就去記錄嘞“辣辣【laklak】”疊嗰詞語，伊本人就認為，疊嗰詞語，就是好算作普通閒話當中呃“在”字嘞。

據本人所了解到呃情況，有得覅覅少少呃上海人，還畀普通閒話當中呃“在”字，歡喜去采用“勒嗨”、“勒該”搭“勒蓋”疊嗰三組所謂呃上海方言閒話詞語唻替代之，而且還是講得蠻起勁呃，實際哴向，凡是有得疊種想法搭講法呃人，侪都是做錯忒嘞，伊拉所講呃侪都是洋泾浜上海方言閒話，上海侪都是呒得疊種講法搭寫法呃。

普通閒話當中呃“在”字，伊嗰聲母就是為：【z】，到嘞吳語方言體系以後，伊是由兩種地方方言閒話結合勒拉一道呃，第一種就是浙江甯波地區呃方言閒話，第尼種就是江蘇蘇州地區呃方言閒話。伊嗰聲母就演變成為嘞【le】,讀音就接近于疊嗰“唻”字，勒拉甯波方言閒話當中，就是采用疊種讀音呃。普通閒話當中呃“在”字，勒拉邪氣老派呃蘇州方言閒話當中，就畀叫做嘞“勒俚”，伊嗰讀音為：【lekli】,但畀過，今早仔已經完全畀淘汰忒嘞，就算是最最正宗呃老蘇州人，也覅使用疊嗰詞語嘞，而是用“勒哴”搭“勒笃”替換之，“勒哴”呃讀音為：【leklang】，“勒笃”呃讀音為：【lekdok】。

等到嘞上海灘哴向被迫呃畀開埠以後，還湧入嘞覅覅少少呃西方傳教士，伊拉一樣也是要入鄉随俗呃，也同樣是要研究當地文化搭語言呃。就畀普通閒話當中呃“在”字，就采用上海方言閒話呃記音方式，畀寫作為“拉拉”疊兩嗰字，兩嗰“拉拉”呃“拉”字，後頭一嗰“拉”字是讀作為長音呃【la】，辰光走到嘞今早仔，勒拉上海灘哴向呃某些郊區，還有得覅少呃老年人，還會得疊恁去講講哦。

但凡是歡喜曆史、文學搭閱讀呃愛好者們，尤其是去看過覅覅少少呃吳語小說呃愛好者們，眼扳數會得去發現疊恁一種現象哦。比方講：勒拉覅少呃“明清文獻”資料當中，就交關歡喜去使用疊嗰“勒”字，而且還是用得邪氣多呃。晚清豔情小說《九尾龜》第六回當中，去撰寫過疊恁一句閒話，曰：“故歇心口裡向還勒哴跳，阿要作孽！”有得交關多呃“明清文獻”資料侪都是采用蘇州方言唻寫作呃。

“勒拉”疊嗰詞語也覅是一層覅變呃，勒拉語言呃覅斷發展過程當中，也越唻越演變得虛化嘞，而且還有得七種講法搭解釋。第一種：作為動詞唻使用呃，比方講：吾呆勒拉屋裡廂；第尼種：是作為介詞唻使用呃，比方講：吾勒拉寫字台上頭用電腦撰寫一篇文章；第三種：是作為助詞唻使用呃表示正勒拉進行當中，比方講：吾現在正勒拉做作業；第四種：是作為存續體唻使用呃，比方講：吾坐勒拉矮凳上頭；第五種：是搭“了”字配合勒拉一道使用呃，表示進行時态，比方講：“現在，吾正勒拉做生活，請侬就覅要再唻打擾吾嘞！”第六種：同樣是搭“了”字一道去使用呃，表示某一樁事體已經做好嘞，比方講:老婆，侬叫吾去買呃小菜，吾已經買好嘞!第七種：是作為存在語氣唻使用呃，比方講：“侬看呀，覅得了嘞，小明呃爺老頭子正勒拉彈出眼烏子，人變得氣呼呼呃，就是因為小明期末考試呒考好！”

文章寫到嘞此地塊，已經到嘞文末，最後本人隻想去講疊恁一句閒話，疊篇文章隻畀過是本人對于上海方言閒話“在”字哪恁去講是好呃搭正确呃，邪氣粗淺呃認識，覅一定是交關正确呃，如果有懂得上海方言文化呃專家搭朋友們，可以一道唻探讨、讨論一下呃。

【備注：①文章為作者原創；②各種2021年上海老城隍廟豫園燈會來源于網絡上；③感謝原創圖片。】

杜老倌俠客居（陸偉）寫于2021年02月25日星期四白天

更多精彩资讯请关注tft每日頭條，我们将持续为您更新最新资讯!