尋日，一個外地嘅羊城網粉絲（粵語初學者）問我：“阿咩，我依家嘅廣州話基本上可以同廣州人交談，但系有時廣州人講嘅俗語我就完全聽唔明！點算好？”

相信都有唔少學緊粵語嘅人都會遇到呢個情況，因為有時廣州人，都可能聽唔明“火燒旗杆”系點解......

呢種情況，我就建議各位自己友，睇多幾出80、90年代嘅港産片。港産片嘅黃金時代，亦都系粵語文化喺電影界被運用得最貼地嘅年代！

就好似以下呢啲：

《唐伯虎點秋香》

原句為“風吹灰卵殼，财散人安樂”———出自《增廣賢文》

相傳，有一個又窮又孤寒嘅人，有一次出門搭船趕水路，三四日路程。為咗悭錢，隻帶咗一個鹹蛋（灰卵）充饑。三日了，一隻鹹蛋都仲未食完，咁啱佢呢日坐喺船頭食鹹蛋嘅時候，點知一陣風，将鹹蛋殼吹咗落水，佢覺得非常可惜，所以對住水中嘅蛋殼輕歎：“風吹灰卵殼，财去人安樂！”。

而“風吹雞蛋殼”嘅意思系：擔心雞蛋打碎，蛋白同蛋黃就全部都冇曬，隻剩低雞蛋殼。不過，隻剩下雞蛋殼嘅話，就算幾大風，都唔會再失去啲乜！

所以“風吹雞蛋殼，财去人安樂”更多系指呢個意思：财富同雞蛋一樣咁容易失去，如果唔将财富睇得太重，就唔會患得患失，人自然都會豁達開朗。

《秋天的童話》

“加面”、“扣面”、“加底”、“扣底”都系茶餐廳用語。碟頭飯，一隻碟裝滿飯，飯面上再裝餸，所以唔難理解：底-飯、面-餸。

如果今日胃口唔太好，唔想食咁多飯，可以同夥計講“扣底”；相反，如果今日冇食早餐特别餓，就可以同夥計講“加面加底”！

廣東人凡事都鐘意講“意頭”，尤其系爛賭之徒，最忌“書（輸）”！所以含有“書”嘅詞，賭徒都會用“勝”、“赢”代替。

例如：

1、讀書=讀赢（一語雙關，‘獨赢’）

2、書架=赢架

3、書枱=赢枱

4、通書=通勝（即系黃曆）

好多人對“觀音頭掃把腳”都有誤解，以為系形容一個人嘅容貌或者身材唔好。而系形容一個人穿着搭配奇怪，例如西裝配拖鞋......都可以用嚟比喻：一件事開頭精彩，但結局令人失望。

都提醒大家，唔好話人生得“觀音頭，掃把腳”。

《算死草》

1、标松柴：

粵語裡面“标”字可解作“被掠奪”；松柴系就是飲食店、酒家極其重要嘅嘢，因為火力猛，生火快捷，亦常用來熏制紅茶，“标松柴”就系指喺食店、茶樓、酒家做嘢嘅人，偷走公司嘅松柴等資源，據為己有，簡單啲講，即系“穿櫃筒底”。

2、标蟲柴：

柴裡面有蛀木嘅蟲，正如“标松柴”解釋過嘅， “柴”系舊時飲食業嘅重要财産，而呢度嘅“蟲”就系指穿櫃筒底嘅人；亦有比喻職員懶惰、消極怠工。

麻雀術語，如果懷疑有人出老千，可以要求過牌，一般系“過三棟”，咁樣一嚟，牌就會亂曬，老千想赢都難。

隻不過，如果隻系“過一戙”嘅話，反而可能将好處畀咗其他人。所以“俾人過一戙”嘅意思系：想搵人笨，反被别人搵笨。（最常用嘅意思系：搵人笨。）

《古惑仔之人在江湖》

形容一個人經濟狀态唔穩定，一時有錢，一時又窮。

三更：午夜十一點到一點。

五更：淩晨三點到五點。

相隔幾個鐘，但系“三更窮，五更富”，所以最适合用嚟形容投機買賣者、賭徒、黑社會之類從事“高風險、高回報”嘅人。

如果你想自己嘅廣州話更上一層樓，

不防睇多幾出香港電影。

,

更多精彩资讯请关注tft每日頭條，我们将持续为您更新最新资讯!

查看全部