羊城網問羊城人

廣州從不缺文化，更不缺乏文化人。隻不過，廣州人太低調太務實了，這種性格已經植根在他們的文化基因之中，隻願默默做事，而不好出風頭。《羊城網問羊城人》欄目，由總編輯小勞親自采訪每一位為默默為廣州本土文化作出貢獻的意見領袖，揭示他們低調務實背後的努力和成果。

本期嘉賓：少爺明

電視、電台節目身兼主持、配音、演員三合一

縱橫廣州地區電台、電視界……就算你未見過佢個樣（絕對冇可能佢個樣咁出位咁容易認），都必定會聽過佢把聲同個名，佢就系《粵夜粵娛樂》、《今晚大件事》、《吾系講笑之怪談熱線》、《S計劃》、《時事查笃撐》、《食蕉英雄傳》、《搵食珠三角》、《拉闊新生活》、《至得美食導航》……數都數唔曬甘多電視、電台節目身兼主持、配音、演員三合一嘅 精精靈靈少爺明啦！

勞：可唔可以講講你當初系點入行做一個粵語主持人？

明：當年入行真系源于一個廣播夢，細細個聽電台真系一件好玩又好潮嘅事，于是一畢業冇耐就遇到當年蘆葦琪節目招助手，我好記得當日報名嘅人逼爆咗花果山廣州電台飯堂，壯觀到呢！最後打赢曬200幾個參賽嘅人（唔好忘記隻系招個助手都閑閑哋200幾人報名，但我當時……其實……真系……未聽過蘆葦琪節目，哈哈哈）成為咗節目《蘆葦的琪想》嘅星座小騙子阿Ming啦！

勞：要擔任粵語主持人對粵語水平有啲乜要求？系咪會有專門嘅粵語水平測試呢？

明：我哋當年入行對粵語嘅水平反而唔系最重要，最重要系對主持人個性、節目創意比較睇重，但聽前輩講以前入行系需要有一年嘅行業培訓，都包括咗粵語水平嘅培訓，我哋啲後輩就全靠天分同後天努力啦！

勞：粵語主持人嘅發掘會唔會比普語主持困難，要求會唔會比後者更高？

明：講真，喺廣州就絕對系普語主持人難搵啦，粵語主持人遍地都系，所謂嘅發掘就要睇每一個頻道、欄目嘅要求啦，好似某啲新聞節目個記者成口鄉音，監制反而覺得貼近市民，咁對粵語要求好高？呵呵

勞：對于娛樂節目同飲食節目，你鐘意主持主持邊個多啲？點解？

明：對我來講成為一個全能嘅主持人先系最終目标，作為一個水瓶座我更中意不斷有新挑戰，所以你問我做甘多唔同類型嘅節目我更中意邊個？我隻能夠回答我個個都咁愛，因為每個節目我都用心去做，一系唔做一做就做到最好！

勞：作為一個粵語主持人，你對未來有啲咩事業規劃？

明：喺我心目中粵語除咗系我嘅工作，仲系我嘅生活、我嘅溝通方式、我嘅情懷、我嘅血統！所以一日我喺粵語嘅地域做主持我都覺得自豪！

勞：包括港澳在内，有邊啲粵語節目，你系比較欣賞嘅，認為可以值得學習嘅呢？

明：相對于電台、電視嘅粵語節目，我更加中意粵語配音節目、電影、電視劇，我中意聽粵語發音！

勞：經常有網友喺羊城網批評廣東一啲粵語節目主持人或者記者嘅粵語唔純正，帶有鄉音或者用咗大量普通話詞彙同語法，你點睇呢種現象？

明：随著時間嘅推移、骨質嘅疏松，廣州作為一個包容嘅城市，就肯定會出現呢種現象，好正常！就算其他粵語區域講嘅粵語發音都系一代不如一代，語言本來就系一種溝通工具，年代唔同産生嘅詞彙唔同都好正常！所以一切都咁正常又做咩雞蛋裡面挑骨頭啊，講好粵語由自己做起，系有心嘅就有動力學好講好噶啦！

勞：如果有朋友想入行成為粵語主持人，你會有咩建議？

明：喺呢個全城自媒體嘅年代，大把機會做主持人，無論咩語言都好，有自己風格嘅，有創意嘅，捉得住聽衆觀衆嘅都系好嘅主持人！加油！

,

更多精彩资讯请关注tft每日頭條，我们将持续为您更新最新资讯!

查看全部