足足風行新街10幾年

自稱花都掌亦煲第一人

已經被小飯搜刮出來了！

今期小飯就帶你地去試下味！

▼

掌亦煲

▼呐！講起呢個掌亦煲，首先小飯要介紹一下呢隻鵝！呢度每一隻鵝都選用正宗走地黑棕鵝，供應商系神山某大型出口鵝養殖場。選用嘅每一隻鵝平均系6斤幾，真系隻隻瘦身鵝都甘fit！

▼平時食開嘅掌亦煲為左易淋亦熟，入邊嘅掌亦都會斬細塊，而呢度嘅掌亦煲唔一樣，佢地中意成隻鵝掌！成隻鵝亦！落！煲！煮！

▼真系整隻鵝掌&鵝亦，360°點咬都淋，足以證明呢煲嘢夠曬火候。如果你覺得食掌亦系要有肉，甘你就大錯特錯了。食掌亦煲系要連骨都要嚼埋，先食到掌亦嘅精華！

▼本身掌亦位置會比較多膠質，全程滾住黎食，掌亦煲會越煮越濃稠越滋味，鵝掌鵝亦特有嘅風味，加上老闆嘅秘制配方嘅味道，食到最尾連隻手指都要舔幹淨！好食到根本停唔到口啊！

▼所以話自稱花都掌亦煲第一人真系唔系亂吹噶！

▼一般掌亦煲上台系甘就系甘食了，齋食掌亦肯定會覺得單調，呢度嘅掌亦煲系唔！一！樣！況且甘靓嘅鵝汁梗系唔可以放過啦！食到中途竟然可以加料！有咩好介紹啊？

▼小飯推薦呢個鵝腸，值得一試，超厚身超爽口，求其用滾水拖拖就可以食了。

≮鵝腸≯

▼覺得鵝腸都唔夠喉，仲有其他鵝雜可以選擇。冬瓜、白蘿蔔、豆腐蔔……等蔬菜類别都系索味神器黎噶！大把配菜由得你任意選擇，食個掌亦煲都好似系度打邊爐甘！認真夠曬過瘾！

除左掌亦煲

跟住落黎要介紹嘅菜色

都值得一試！

馳名燒鵝

▼新鮮燒鵝要出爐啦！！既然前面講到隻鵝甘鬼靓！唔整翻味燒鵝點對得住觀衆啊！？

▼真系唔系氹你噶！老世自己就有隻燒爐，燒鵝自己燒自己賣，自己有資源就系甘鬼任性！

▼25蚊一個例牌！日日估清就系甘鬼受歡迎！新鮮出爐的原因，随便夾一塊都系甘皮脆肉滑的，瘦身鵝就系靈舍不同，肉質厚實一滴都唔覺得肥膩！

↓更加驚喜嘅事情跟住黎↓

客家煎讓豆腐

▼同燒鵝一樣，呢度嘅豆腐一樣自己磨！動手能力強就系甘任性！你吹咩？

▼豆腐一上台就已經香到離曬普，即刻起筷試下呢味豆腐先得！用筷子都夾得起證明到乜？火候夠！豆腐夠曬實淨咯！入口嫩口黃豆味十足，呢味豆腐小飯要比10個good！

其他

▼黎翻煲水魚煲雞都幾唔錯噶！水魚來自羅浮山仿野生養殖場，日日浸住羅浮山泉水，食住蝦仔魚仔，甘靓嘅夥食同環境養出黎嘅水魚簡直就系一級棒！系花都可能就得呢度有甘“野”嘅水魚食。

↑水魚煲雞

↑酸菜魚 時價

↑豉油王鵝腸 ￥25/例

↑水煮五福 ￥28/例

↑回鍋肉 ￥28/例

↑碧綠尖椒 ￥28/例

↑家鄉炆鵝 ￥38/斤

↑醋溜土豆絲

↑化皮燒肉 ￥33/例

≮搵食好提議≯

▼雲山橋封路，住系周邊嘅街坊想話改善夥食，系咪好鬼頭痕咧？上面推薦嘅呢一間店就岩你地啦！

▼店如其名，入門就經已夠曬喜慶，紅當當一片，人一到都當堂開心曬啦。岩曬擺酒設宴啦！對！冇錯！呢度真系可以擺酒設宴嘎！

▼仲可以根據個人需求要隻包房，有埋麻将台嘎。得閑幾兜友可以約埋一齊食完掌亦煲，仲可以直落搓翻幾圈麻将先走添。

搵食地址

人均消費：30

店鋪名字：喜慶酒家

店鋪地址：花都區新華布心街2号（祈福小學附近）

營業時間：11:00-14:00,17:00-21:30

新街隧道出來之後轉入工業大道，再轉新街大道！

望到“東升五金機電”呢個招牌，就可以佢系對住嘅路口轉左

轉左之後一直行，差唔多行到盡頭，喜慶酒家就系你右手邊

更多精彩资讯请关注tft每日頭條，我们将持续为您更新最新资讯!