清江一曲抱村流

長夏江村事事幽

自去自來堂上燕

相親相近水中鷗

老妻畫紙為棋局

稚子敲針作釣鈎

但有故人供祿米

微軀此外更何求

近幾十年來，從南路傳過來一個數，吉利讨口彩——“發”！好像隻要隻要是八，樣樣侪好，其實隻勿過是個諧音而已，講勿出啥道理。

我今朝講講“七”。阿拉老祖宗講：逢七就必變！數字裡廂七是一個蠻奇怪格數字，人為啥搭七搭了嘎牢，從古到今呒麼一個人能夠講得清爽！侬看，每個人有七竅：兩隻眼睛肝開竅之、兩隻耳朵腎開竅之、鼻頭肺開竅之、嘴唇脾開竅之、舌頭心開竅之；還有七情六欲：喜怒哀恐愛惡欲；男女之間會有七年之癢；牛郎織女“七夕”相會；黃梅戲《天仙配》裡“七仙女”當中為啥嫁撥董永是第七個小仙女；寫格詩有七言、七律、七絕；曹丕猜疑兄弟要謀反，硬勁逼牢曹植寫出“七步詩”，你我“本是同根生，相煎何太急”；公元前古代中國人就發明了“七巧闆”，其式為五、其數為七、其變為千，十八世紀後傳到外國去了，成為外國人最歡喜格玩具之一，傳說拿破侖勒了流放過程隻白相一樣麼事——七巧闆，英國劍橋大學圖書館裡廂至今還囥了一部《七巧新譜》；纣王拿姬昌關了七年，周文王就衍生出六十四卦，每卦隻有六爻，上七就會複始，給世人留下一部《周易》；中國人格算盤，上二下五為七粒算盤珠，算盤十三檔為神機妙算，同志們想得起小辰光白相算盤格情景伐？外國人到今朝也呒麼搞清爽算盤；中國人講“打蛇打七寸”；動畫片葫蘆娃有七兄弟；外國人也有白雪公主與七個小矮人；古人講“七尺男兒”；魏晉有“竹林七賢人”，雙色球開獎号碼是七位數，還有“七星獎”；一個人走脫了要“做七”，為啥要七七四十九日？傳說是人格魂靈頭，會七日回來一趟望望家人，“七”做好就放心了；上海有個七寶鎮：飛來佛、氽來鐘、蓮花靈、金斧、神樹、金雞、玉筷；《阿彌陀佛經》裡有七寶：金、銀、琉璃、珊瑚、砗磲、赤珠、瑪瑙；PH酸堿值分割界線為“7”；正常格情況下頭，一張紙頭最多隻好對折七趟；天浪北鬥為七星，太陽光有七色：赤橙黃綠青藍紫，誰持彩練當空舞；音樂隻有七個音：哆來咪發索拉西；每個禮拜是七日，休息日是第七天；女娲補天還造人，雞狗豬羊牛馬日之後，第七天是造人日；外國人搭中國人格講法同樣，上帝用了七日造出了亞當（男人），再抽出亞當格第七根肋排骨造出來夏娃（女人）；有七個墮落天（傲慢、嫉妒、暴怒、懶惰、貪婪、饕餮、私欲）是撒旦，撒旦有七隻頭；人格生理周期是七日；人格相貌七年就會變一變；勿相信可以從現在起開始觀察。

《黃帝内經》講人有七個節律，一般性毛病七日就會自愈；某段辰光裡廂，有一批朋小學讀到七年級，併成了“七二、七三屆”，袁一靈老先生格上海說唱《金陵塔》：天浪七粒星，樹浪七隻鷹，牆浪七根釘，枱浪七盞燈，河裡七塊冰；還有了，菩薩格娘是摩耶夫人，因為做夢看見一隻六牙大象後而受孕，四十五歲生出來佛祖，七日之後就走脫了，而佛陀來到世界浪廂格第一樁事體，朝東南西北方向分别走了七步：佛行七步，步步生蓮；

紅軍不怕遠征難

萬水千山隻等閑

五嶺逶迤騰細浪

烏蒙磅礴走泥丸

金沙水拍雲崖暖

大渡橋橫鐵索寒

更喜岷山千裡雪

三軍過後盡開顔

長征 •七律

更多精彩资讯请关注tft每日頭條，我们将持续为您更新最新资讯!