掀起一波又一波回憶殺嘅

高分國産綜藝《快樂再出發》

話咁快就收官啦~

呢邊“再就業男團”啱啱翻紅，

向來快手嘅芒果tv

就已經速速推出同類型節目

《想唱就唱的夏天》

安排咗江映蓉、黃英、潘辰、

劉美含四位09“快女”成員重聚，

想複制出個“再就業女團”咁話。

首期節目仲搵埋

陸虎、張遠做飛行嘉賓，

實現“快男”“快女”夢幻聯動。

不過07“快男”同09“快女”

其實早在幾年前嘅音綜

《合唱吧！300》

已經夢幻聯動過啦~

作為行走的青春回憶，

當時呢兩team人馬快樂重聚

各攜300歌迷首度同台競技，

場面情懷拉滿，都真係幾催淚。

但百試百靈嘅“回憶殺”

在今次嘅新節目中

似乎唔太work~

在過往咁多屆

《超級女聲》《快樂女聲》中，

09屆“快女”其實一直

被視為比較失敗嘅一屆，

最後十強自出道以來，

大部分都發展得不溫不火，

比較出圈的僅有第四名郁可唯、

第五名劉惜君同第九名曾轶可。

而早前成為“金像影後”嘅

劉雅瑟其實都參加過

呢一屆《快樂女聲》，

不過最後僅止步全國20強。

but，以上選手都冇參加

今次嘅《想唱就唱的夏天》節目啵~

常駐嘉賓陣容雖然有

當年嘅冠軍江映蓉、

亞軍黃英同第七名潘辰，

仲有一個疑似湊數的

第十五名劉美含，

但呢幾位都缺乏人氣和流量。

一路專注做音樂嘅江映蓉

去年有參加《浪姐2》，

但“四公”就被淘汰、入唔到決賽，

近年仲一直身陷“變臉”疑雲。

早早回歸家庭嘅黃英

同中途去咗拍戲嘅潘辰，

幾乎成咗娛樂圈的“小透明”。

糊嘅程度比起“再就業男團”

有過之而冇不及。

反而係當年冇入十強嘅劉美含

因為出演過童年神劇

《巴拉拉小魔仙》，

令觀衆對佢一直有“回憶殺”濾鏡。

喺節目中，

劉美含年紀最細但最後綜藝感

加上佢同飛行嘉賓比較熟，

貢獻咗唔少玩梗名場面。

比起隔離“再就業男團”

自嘲、互黑從不手軟，

呢班姐妹團之間嘅相處

似乎就多咗幾分生疏、客套，

倉促組局的“重聚”趴

不見溫情，仲有些許尴尬。

首期節目全靠

啱啱翻紅嘅陸虎、張遠

帶動氣氛、推進流程，

一時分不清究竟係邊個嘅團綜。

well~團綜千千萬，

小成本出精品嘅《快樂再出發》

并不能簡單歸功于“打情懷牌”，

一班本身确實感情深厚、

有梗、有實力、有作品嘅嘉賓

先係令節目好評如潮嘅關鍵。

唔知經過後面孖鋪幾晚，

呢班曾經一起奮鬥過嘅姐妹團

能否搵翻昔日溫情，

讓節目漸入佳境，

真正續上“回憶殺”的快樂？

資料來源：綜藝截圖、微博

網絡信息綜合整理

編輯：陳祉伶

審核：曾敏妍

簽發：駱蘋

*文中圖片版權歸原作者所有，

如涉及侵權請聯系，立即删除

掃描下方二維碼訂閱

【微店】可樂生活小店

【淘寶】羊晚生活館

【郵政】中國郵政微郵局

▼

>>>

一次過get可樂報詳細内容

羊城晚報報業集團旗下優秀生活類媒體可樂生活Color，度身打造專屬廣州人的吃喝玩樂指南，潮流風向标資訊。

官方靓仔可樂君（handsomecolor）

更多精彩资讯请关注tft每日頭條，我们将持续为您更新最新资讯!