法郎和歐元符号?2021年4月4号禮拜天，是西方格複活節，歐元之父——88歲格蒙代爾勒自家屋裡走了，下面我們就來說一說關于法郎和歐元符号?我們一起去了解并探讨一下這個問題吧!

法郎和歐元符号

2021年4月4号禮拜天，是西方格複活節，歐元之父——88歲格蒙代爾勒自家屋裡走了。

搿格朋友有一個金融三角勿成立理論：資本流動、貨币獨立、彙率穩定，是想做也做勿全格事體。就像男女也有做勿到格三角理論：男人銅钿多、賣相好、又勿花哧哧，極少；女人嗲溜溜、特獨立、面孔又标緻，難得！大男人小女人侪做勿到！

格麼蒙代爾為啥要弄出來歐元呢？一開始歐洲十二個國家拉了一隻朋友圈，圈子裡廂國家自娛自樂，互惠互利，快捷方便，最重要是搭米格利少搭界了，歐元格符号是希臘字母∈，表示文明發源地勒了歐洲，也表示了英文歐洲Europe格第一個字母，當中兩根橫線表示歐元非常穩定。十二顆星代表朋友圈裡有十二個國家，2002年元旦正式開始流通，勒了自家朋友圈裡白相歐元了，二十年前格走勢一路看好！

一個勿懂《易經》格朋友老薩摒勿牢了，宣布：伊拉克出口石油用歐元結算了，為啥？現在1.38美元：1歐元，高收益了。搿隻動作一出來，老米發急瘋了，一塊400億美元格蛋糕講呒麼就呒麼啦，哪能辦？老米真格做得出，米老頭發令：做脫伊！就拿了一包肥皂粉，一本正經對全世界講，發現伊拉克有大規模殺傷性武器，一時頭裡全世界媒體跟勒嗨起哄、簡直炒翻了天，真格是下作透頂！結果麼大家侪曉得了：米老頭是憑空捏造出來格事體，人家根本呒麼大規模格殺傷性武器，後果就是直接造成一百多萬伊拉克士兵陣亡了，國家打得來千瘡百孔，幾百萬人流離失所，侪成了難民，而老薩哪能呢，全世界電視直播公審，最後上了絞刑架。老米則勒了伊拉克劃出一塊綠區領地，唉，綠區！而占99.99%土地格伊拉克人連屁也呒麼得到：人權、自由、民主呢？薩達姆走了，而發動戰争者卻得到“諾貝爾和平獎”。啥格路道？

另外還有一個朋友——老卡，伊還要結棍了！既勿用美元也勿用歐元，直接用黃金結算出口石油，難麼利比亞讨厭了，歐美聯手，拿伊做脫！歐洲人先動手打，米國人發動了一場十八分鐘格閃電戰，一個統治了自家國家四十二年格強者，被扶值起來格反對派力量打了一場代理人戰争，老卡走得非常慘，受盡了折磨，手段極其下流，私刑下被一槍爆斃…

米國總統第一日上班就要宣誓…，拿手壓牢兩本書，一本憲法、一本聖經……，但是一個國家可以随随便便對另一個主權國家發動了戰争，犯下濫殺無辜格滔天大罪！用勿着理由就可以随意滅脫人家格國家，居然還能夠獲得諾貝爾和平獎！啥格情況啊？所有格事體侪由伊拉講了算，伊拉制定規則，伊拉發号施令！格麼聯合國跑到啥地方去啦？勿是還有國際法庭嗎？WTO呢？上帝啊、真主啊、菩薩啊，倷是勿是可以跑出來講句把公道閑話呢？哦！原來搿三個朋友侪是有人拿伊造出來格！

中東石油格資源極其豐富，完全可以睏了嗨賺銅钿，假使呒麼了動亂，天下太平，日腳勿要太好過啊，老百姓真能幸福安康，現在呢？伊拉克一戰，老米自家也陷進去了，到今朝究竟弄清爽了伐？利比亞打到今朝還勒了打啊，薩拉傑、哈夫塔爾，土國為了自家格利益，用747輸送…，埃及、阿拉伯聯合酋長國……，一直延伸到叙利亞，土國格東南角，歐洲格難民之源，歐盟之間勿用簽證，愛琴海裡土國搭西臘十八隻島之争，難民們就勒了縫隙裡鑽來鑽去，直到今朝……

縱觀天下才能知曉興衰盛敗，碰到百年之大變局，天時勿及地利、地利勿及人和、天時地利人和、三者勿得、雖勝有殃，熟史明鑒，就能順天應道！

來龍去脈看《歐元》

更多精彩资讯请关注tft每日頭條，我们将持续为您更新最新资讯!