最近有個外地嚟嘅朋友問：你哋D廣州人究竟點係廣州生存咁耐嘅？

正Gor：丟，有幾難喈！

朋友：咁你知唔知呢度喺邊度啊？

正Gor：黃沙咯！豬兜！

朋友：........

（之後呢個朋友都冇再聯系過我了，唔通正Gor太醒目都錯咗？！）

emoji廣州

不過廣州人又真係幾千奇百趣嘅，連地名都可以用emoji表情講出嚟。

唔知同喺廣州人嘅你哋，又可唔可以認出曬下面全部廣州地名咧？

（答案在文末）

大廣州真係好多重複嘅地名！！！有時連老廣約人，都要再講清楚邊個區邊個位置。

未就會發生10個人都有可能去錯10個唔同嘅大塘。

係啊冇錯，廣州真係有十個大塘！

十個大塘

越秀區大塘街喺文明路過去嘅一條不足400米嘅窄巷，原來以街命名的小學——大塘街小學已經更名為秉正小學，而依家就仲保留住大塘街幼兒園，位于大塘街54号。

海珠區大塘村最出名因為地鐵三号線大塘站，村口原來兩個大水塘，依家水塘填平咗，就淨翻個大塘湧。廣州出名嘅燒臘店“大塘燒鴨”都喺度發源：海珠區大塘村聚德西路3号的大塘燒鵝赤崗店。

花都區都有個大塘村，距離花都市區18公裡，離花東鎮3公裡。全村面積約2.1平方公裡，下轄10個村民小組，總人口2170多人。

天河區車陂路進入車陂村西華大街，福祚蘇公祠前有一池塘水附近就喺大塘中街了。

黃埔區九龍鎮的“大塘”，喺帽峰山下，已經改名為新村，依家隻保留少量寫住“大塘”嘅門牌。

白雲區環滘村有大塘一巷、大塘二巷依次數過來，再向前D仲有一個大塘西小區。

而遠D嘅仲有廣州南沙區黃閣鎮大塘村；番禺區大塘街位于南村鎮草堂村；增城區位于大塘街新塘鎮龍塘村；而從化隻有一個名為大塘的水庫。

兩個前進

海珠區前進路有河南人最熟悉嘅海珠狀元坊，同學生哥最愛10幾蚊就可以唱到K嘅糖果KTV。

而番禺區前進街喺番禺市橋街大北路附近。

兩個西華

海珠區嘅西華街喺沙園市場附近，喺廣州最大菜市場之一，每日都好多叔叔阿姨山長水遠跑過嚟買菜，好多嘢喺其他市場都買唔到。

荔灣區西華路屬于廣州西關曆史街道，有好多特色建築同傳統美食。

兩個大南路

越秀區大南路喺北京路附近，成條街主營家居燈飾、牆紙等裝飾材料。

而番禺區都有個大南路，喺大夫山森林公園附近。

兩個寶華路

荔灣區寶華路喺由長壽路地鐵站恒寶廣場去上下九嘅必經之路，路上有陳添記魚皮、順記冰室等廣州老字号美食店。

另外花都區寶華路就喺花果山公園附近。

兩個南村

海珠區江南大道南村依家已經變成街道，去江南西嘅人都會喺南村車站落車。

而番禺南村就相對嚟講大好多，面積47平方公裡，居住人口有30多萬人。

兩個石溪村

海珠區工業大道嘅石溪村依家基本都變成租俾外地人住嘅，正Gor最印象深刻喺拜山會去嘅思親樓就喺石溪！

另一個石溪村喺天河區黃埔大道，毗鄰楊桃公園。

三個棠下

白雲區、天河區、蘿崗區都各種一個棠下村。搞咩啊！真係連廣州人都一時三刻分唔清邊個打邊個啊！

“廣州”唔係廣州

而唔知因乜原因，廣州好多地名都係亂嚟嘅。

比如話...

海珠路唔喺海珠區，喺越秀區；

海珠廣場都唔喺海珠區，喺越秀區；

黃埔村唔喺黃埔區，喺海珠區；

黃埔大道都唔喺黃埔區，喺天河區；

白雲路喺花都區，越秀區，番禺區，就偏偏唔喺白雲區；

中山大學就唔喺中山嘅，喺廣州；

南海中學都唔喺南海，初中部在荔灣區西華路，高中部在荔灣區富力路；

天河學院唔係天河，喺白雲區；

東曉南地鐵站唔喺東曉南路，出站要行成20分鐘先去到。

喺廣州生活，已經唔係地理好就可以解決嘅問題，想搵啱條路，真係少D腦力都唔得！

emoji估廣州地名答案

1、寶源路 2、如意坊

3、廣州火車站 4、魚珠

5、三元裡 6、中山六路

7、珠江新城 8、彩虹橋

9、六二三路 10、同心路

11、上下九 12、海心沙

13、車陂南 14、飛翔公園

15、萬勝圍 16、東山口

17、五山 18、棠下

19、海珠橋 20、八旗二路

21、人民公園 22、雙橋路

23、天河客運站 24、白雲公園

25、百靈路 26、文德路

27、公園前 28、花地

29、大學城南 30、一德路

31、六榕路 32、白雲山

33、嘉禾望崗 34、明心路

35、執信路 36、燕塘

更多精彩资讯请关注tft每日頭條，我们将持续为您更新最新资讯!