今屆嘅“萬千星輝頒獎禮”

被大家認為係近幾年

含“水”量最低嘅一次

特别係“視帝”“視後”

确實比上年服衆好多

但稍微有啲失望嘅就係

阿Bob林盛斌竟然一個獎都冇落袋

佢喺《美麗戰場》中演“徐富貴”

真係好有魅力，狠狠圈咗一波噶

喺劇中阿Bob開場就俾人

财大氣粗“黑社會”嘅即視感

身邊仲帶住個好鬼馬嘅小跟班

做完壞事就細聲講大聲笑

徐富貴嘅笑聲、小跟班嘅抵死

真係令大家印象非常深刻

而呢位“小跟班”就係

今屆“最佳男配角”得主鄧智堅

比起張穎康、李成昌等等

大家比較熟悉嘅甘草面孔

宣布鄧智堅嘅時候

唔少網友都表示一頭問号

大家對佢嘅印象

最深刻應該係《上車家族》中

“哈比族”家庭嘅“爸爸”關細孝

咪睇佢劇中留住胡須、

頭發油膩、穿着随性

演嘅係林敏骢嘅沙煲兄弟

其實佢真實年齡得41歲

同骢哥差咗22年噶

為咗配合人設先将自己

扮成潦倒落魄中年人

飾演“細孝”嘅時候

佢貪小便宜貪到出汁

重兄弟情又夠曬催淚

确實係一個出彩嘅小人物

鄧智堅嘅演技并非浪得虛名

想當年佢因為文化科成績唔夠

差啲就讀唔到藝校

好彩有戲劇老師同話劇團嘅推薦

佢就被破格錄取咗

喺之後嘅發展中

佢自編自導自演嘅舞台作品

超過80部

係個成功嘅舞台劇團藝術總監

鄧智堅仲係TVB藝員訓練班嘅導師

曾經指導過周秀娜、戴祖儀、

周志文等人嘅演技

據聞佢仲曾經喺

《瑞典國際短片電影展》中

憑借《伊維特》(Yvette)

奪得“最佳男主角”殊榮

係個名副其實嘅“影帝”

呢啲威水史都證明咗

鄧智堅嘅專業素養

有翻咁上下水平

盡管今次鄧智堅係首次入圍獎項

最終被評為“最佳男配角”

都可以話係實至名歸

首次被提名就有收獲

鄧智堅自己都覺得喜出望外

佢覺得其實有好多前輩都好叻

希望之後有機會可以同更多人合作

雖然鄧智堅喺娛樂圈

已經有自己嘅一席之地

但對于電視劇、對觀衆嚟講

佢真係隻是一個新仔

聽到佢一番謙虛發言

相信未來佢定會

俾到新嘅驚喜大家

MORE

今日娛樂看點

“視帝”“視後”搭新劇

新晉“視帝”陳山聰

同“大馬視後”劉佩玥

頒獎禮後即刻開工

出演新劇《奪命提示》

據聞喺新劇中兩人會演情侶

“帝”“後”首次做CP

一定會有新火花

廣東衛視“灣區春晚”陣容

《遇兔呈祥大灣區

——廣東衛視春節晚會》

定檔大年初一

炎明熹、周柏豪、林峯等等

一衆灣區大咖将陪大家過大年

傅菁新歌上線

傅菁首張音樂專輯《我我》

第三首單曲《容易受傷的刺猬》上線

才女戴佩妮為佢定制詞曲

更是友情出演MV

這個係在冰雪世界裡

相互陪伴嘅治愈故事

資料來源：微博、豆瓣

網絡信息綜合整理

編輯：郭玮

審核：曾敏妍

簽發：駱蘋

掃描下方二維碼訂閱

【微店】可樂生活小店

【淘寶】羊晚生活館

【郵政】中國郵政微郵局

▼

>>>

一次過get可樂報詳細内容

羊城晚報報業集團旗下優秀生活類媒體可樂生活Color，度身打造專屬廣州人的吃喝玩樂指南，潮流風向标資訊。

官方靓仔可樂君（handsomecolor）

更多精彩资讯请关注tft每日頭條，我们将持续为您更新最新资讯!