數還數，路還路
呢句話喺廣府人日常言語交流中出現得比較多，意思系“數目要分明”。“數”與“路”有乜嘢關系呢？據說，“數”字與“路”字都系來自于古百越語，喺百越語裡頭，“數”系代表“你哋”，而“路”則代表“我哋”、因此“數還數，路還路”原本嘅意思系“你哋還你哋，我哋還我哋。”再後嚟先引申到錢财上。
簕窦
“簕”通常指植物上自帶的刺；“窦”則解作“窩、居所”。“簕窦”嘅原意系指喺自己住所外布滿帶刺嘅植物，唔畀人接近。後引申為形容某人好難相處、商量。
疏肝
“疏肝”一詞原本系中醫治療嘅術語。當人嘅肝氣郁結嘅時候，就會引發胸悶、心煩等問題。中醫通過疏肝理氣，則可以抒發郁悶，令人恢複舒暢。所以後嚟“疏肝”一詞就被引申為“心情舒暢”或“一尐可以令人心情舒暢嘅事”。
燒相書
“燒相書”一詞系用嚟形容一尐令人大跌眼睛嘅事情。“相書”即用嚟研究命理、相術嘅書籍。舊時嘅人深信可以從命理相格去預知一個人嘅未來（命運），而“相書”則系一部指南，供人參考。不過，正所謂命運難測，當相書所預測與實際有較大出入時，廣府人就會用“燒相書”嚟比喻唔準确。
沒水舂牆
“沕”古意為“深藏、潛藏”嘅意思，“沕水”就系“潛入水底”嘅意思。而古書裡頭“舂”與“沖”相通，解“撞擊、沖撞”之意。粵語口頭語中喜歡用“舂”嚟形容目的唔明确咁亂跑亂走，例如“盲舂舂（本字為：盲翪翪）。“沕水舂牆”其字面意思系潛入水底兼撞上牆，實際意思系形容為咗某個目的或某個人而上刀山入火海也在所不惜。系一句表忠心（誠意）嘅俗語。
唔臭米氣
系粵語裡頭，“臭”通“嗅”。“唔臭米氣”即“食米食得少，聞唔到米嘅氣味”，呢句話系用嚟比喻某人閱曆少；幼稚無知；年紀細；唔懂事。
黃腫腳不消提
“黃腫腳”系指腳腫到好厲害，唔消退。而“腳”亦通常戲稱為“蹄”，而“蹄”嘅諧音為“提”，喻“提起、講起”。“不消”即“不必”，“不消蹄”喻“不必提起”。
硬舦
“舦”即船嘅舵盤。而“硬舦”則意味着打唔到方向，開唔到船。用嚟比喻事情停滞不前，冇回旋嘅餘地。
扭紋（亦叫“扭紋柴）
有砍柴經驗嘅人都知道，樹木有分“扭紋”同“直紋”。直紋嘅樹木比較容易砍，而砍扭紋嘅樹木則比較費力。“扭紋”一詞後嚟就被引申為“頑劣、難教”。
文章首發于：2021-02-03
更多精彩资讯请关注tft每日頭條，我们将持续为您更新最新资讯!
zpostcode 
Recruit 
weather 
mreligion 
Yellowpages 
sport 
constellation 
shopping 
name 
game 
directory 
literature 
Word 
tour 
furnish 
Lottery 
tftnews 
lyrics 
News 
digital 
car 
dir 
Edu 
Finance 
