呢幾年觀察類綜藝紅極一時，

老公睇住老婆去玩嘅

《妻子的浪漫旅行》

就係其中嘅典型代表之一，

近日新一季節目又開錄啦~

據節目組工作人員放料，

《妻子的浪漫旅行6》

首站錄制地點定在内蒙古，

當然最終詳情以節目官宣為準哈。

而本季的4對夫妻嘉賓

亦已見有相關路透，

第一對嘉賓係鄭鈞&劉芸，

呢對夫妻合體上節目

絕對係本季的話題擔當。

一方面兩人都分别參與過

芒果tv嘅頂級IP綜藝，

而且節目表現都好有争議。

《浪姐1》中嘅劉芸

雖然一公後就早早被淘汰，

但“抱團杯葛其他人”

“P圖隻P自己”等行為惹吐槽

狠狠掀起過一波“黑紅”熱度。

正在參加《披哥2》嘅鄭鈞

一開始因為實力過硬、

接地氣、反内卷等讨喜舉動

确實賺咗唔少路人緣，

不過随住一公、二公嘅播出，

也有唔少觀衆在質疑佢

抱團擺爛、唔願跳出舒适圈。

而另一方面，

兩個人嘅相處模式好有睇頭！

正如鄭鈞為劉芸寫嘅《天敵》所唱：

“我們是最相愛的天敵”

兩人最初相處火藥味十足，

早年仲試過“互罵互毆”。

不過打打鬧鬧咁多年，

兩人反而越處越sweet~

而鄭鈞今次在《披荊斬棘》中，

也多次cue到老婆，

一時話多得節目組邀請，

讓“冷戰”緊嘅兩公婆暫時“休戰”。

一時又同老婆共用發箍，

暗暗放閃狂派糖，

唔知係咪提前預熱“妻旅”綜藝？

well~

自帶話題争議 相愛相殺

用咁樣嘅愛情模式上節目，

谂落好有睇頭！

第二對夫妻嘉賓係

新婚未夠半年嘅陳喬恩&艾倫。

佢哋係通過芒果戀綜

《女兒們的戀愛2》相識、相戀。

因為陳喬恩同艾倫

係姐弟戀 明星搭素人，

其實好多觀衆當時都覺得

佢哋嘅甜蜜互動都係劇本，

并唔睇好佢哋會長久。

不過人哋甜蜜依舊，

更于今年3月正式拉埋天窗，

簡直系戀綜節目的“滿分售後”。

今次再度合體上芒果節目，

似乎有答謝當年“牽線”之意，

順便趁機蜜月咁話。

第三對嘉賓係陸毅&鮑蕾，

呢對係内娛模範夫妻代表啦~

好多人對高産嘅陸毅比較熟悉，

其實鮑蕾都係一位優秀演員，

佢在《刁蠻公主》中

飾演嘅安甯公主應該係

唔少90後嘅童年/青春回憶。

陸毅同鮑蕾的愛情

萌芽于上海戲劇學院讀書時期，

“大二”時便成為甜蜜愛侶，

後來陸毅憑借電視劇

《永不瞑目》走紅後，

兩人感情依然冇變談。

2006年陸毅和鮑蕾

結束10多年的愛情長跑，

從校園戀愛步進婚姻殿堂，

之後更升呢為一家四口。

後來陸毅仲帶過囡囡貝兒

參加過《爸爸去哪兒》添。

第四對嘉賓則係

啱啱誕下二胎嘅鄭恺&苗苗，

相比前面嘅嘉賓，

呢對同芒果台嘅合作唔算多。

而且鄭恺早年仲炮轟過

芒果嘅《聲臨其境》亂剪輯，

今次合作都算係側面宣告

兩者關系終于破冰啦~

雖然鄭恺同苗苗

自從2020年官宣結婚以來，

兩年就兒女雙全，

妥妥的人生赢家，

而苗苗vlog中嘅幸福生活日常

也令衆多網友直呼羨慕。

但兩人其實甚少公開談及情感經曆，

所以網友對佢哋一直比較好奇，

今次難得高調合體，

相信也會係節目一大亮點。

呢個陣容令你期待嗎？

你最想提名邊對明星夫婦上節目？

歡迎留言同大家分享下吖~

資料來源：綜藝截圖、微博

網絡信息綜合整理

編輯：陳祉伶

審核：曾敏妍

簽發：駱蘋

*文中圖片版權歸原作者所有，

如涉及侵權請聯系，立即删除

掃描下方二維碼訂閱

【微店】可樂生活小店

【淘寶】羊晚生活館

【郵政】中國郵政微郵局

▼

>>>

一次過get可樂報詳細内容

羊城晚報報業集團旗下優秀生活類媒體可樂生活Color，度身打造專屬廣州人的吃喝玩樂指南，潮流風向标資訊。

官方靓仔可樂君（handsomecolor）

更多精彩资讯请关注tft每日頭條，我们将持续为您更新最新资讯!