又有戀情瓜到貨！

有媒體稱近日拍到周冬雨嘅車

多次進入劉昊然家小區，

此前又曾拍到佢哋

打完網球同回家中，

兩人疑似密戀多時。

雖然爆料人将呢個瓜

稱為“粉絲共計6000萬 嘅

一線影視咖猛料”。

不過兩人既唔系依賴單身人設

圈粉嘅流量愛豆

又冇違反倫理道德、公序良俗，

所以并冇引起太大輿論水花。

反而係有唔少人比較疑惑，

佢哋兩個原來有交集咩？

1992年1月出世嘅周冬雨

同1997年10月出世嘅劉昊然

年齡相差近6歲，

而早早出道嘅佢哋

甚少有明面上嘅同框，

所以好多人都默認佢哋唔多熟。

但其實兩人交集絕對唔少，

佢哋早在2020年就合作咗

電影《平原上的火焰》，

兩人亦係從此時開始傳绯聞。

佢哋在戲中飾演一對

久别重逢嘅青梅竹馬，

又親自上陣開車、撞車戲份，

都算係結下“過命交情”。

呢部電影原本定檔

去年12月上映，

當時劇組仲頻頻跑線下宣傳

又一齊組局開直播。

但在公映前4日臨時撤檔，

直到今日都未重新定檔。

雖然一搭新戲上映未有期，

但兩人喺去年年底已經

火速二搭電影《燃冬》。

呢部電影于今年2月殺青，

加上背景係邊境小城嘅文藝片，

所以比較少人關注。

直到今次“戀情瓜”出現

先頻頻被cue，

好多人仲誤以為“燃冬”係

劉昊然同周冬雨嘅cp名添。

除咗呢兩次電影作品合作，

周冬雨、劉昊然同為

影視界嘅新生力量代表，

其實喺唔少電影節同活動上

都有過同框、互動。

好似2019年佢地同一批青年演員

受邀一起拍攝《星辰大海》MV，

其中有段花絮拍到周冬雨

回頭同旁邊嘅易烊千玺對視，

而當年兩人合作嘅《少年的你》

正在如火如荼地熱映中，

所以呢段花絮極其出圈。

點估到時過境遷，

其實在背景充當“花生友”嘅

劉昊然先係故事主角？

不過睇番兩人嘅過往绯聞，

就會發現佢哋嘅“戀情瓜”

大多都係拍戲時同合作對象産生。

早在出道之作《山楂樹之戀》，

周冬雨同窦骁就傳過绯聞，

不過因為兩人年齡都小，

呢段绯聞并冇掀起太多水花。

當年《同桌的你》上映時，

周冬雨同林更新

因為戲裡戲外火花十足

兩人绯聞也係傳到沸沸揚揚。

之後《少年的你》口碑票房雙收，

佢同易烊千玺也多次

被傳有暧昧而頻繁上熱搜。

劉昊然呢邊也係同樣套路，

同佢炒過CP嘅歐陽娜娜、

譚松韻都係戲中演情侶嘅藝人。

所以好多人都覺得今次

大概又係為新戲預熱嘅炒作套路。

截至目前為止，

兩位當事人都冇正式回應過，

演員係咪“公費拍拖”真假未知，

不過電影呢波免費宣傳

就一定賺到笑啦~

你覺得佢哋似係

假戲成真or新戲預熱？

歡迎留言同大家分享下吖~

資料來源：劇照、微博

網絡信息綜合整理

編輯：陳祉伶

審核：曾敏妍

簽發：駱蘋

*文中圖片版權歸原作者所有，

如涉及侵權請聯系，立即删除

掃描下方二維碼訂閱

【微店】可樂生活小店

【淘寶】羊晚生活館

【郵政】中國郵政微郵局

▼

>>>

一次過get可樂報詳細内容

羊城晚報報業集團旗下優秀生活類媒體可樂生活Color，度身打造專屬廣州人的吃喝玩樂指南，潮流風向标資訊。

官方靓仔可樂君（handsomecolor）

更多精彩资讯请关注tft每日頭條，我们将持续为您更新最新资讯!