作為亞視為數不多嘅神劇，《我和僵屍有個約會》于1998年首播後，6年間一共拍咗3部。

劇集算得上系港劇僵屍題材嘅巅峰之作，而男女主角尹天照、萬绮雯，飾演嘅「況天佑」及「馬小玲」亦深入民心。

最近就有消息指《我和僵屍有個約會》會翻拍電影版，并且由《我和僵屍有個約會》編劇、萬绮雯老公陳十三繼續擔任編劇，仲「升呢」做埋監制同導演。

電影版計劃今年10月在香港開拍。不過，不過——

片名會改成《我和馬小玲有個約會》。

系咪一時之間好難接受？

至于點解片名要改成「馬小玲」？網上傳得最似層層嘅就系因為，套戲同時會喺内地上映，而「僵屍」題材比較敏感，可能難于過審，所以唔會續用原名。

原本難得翻拍經典，都系件好事嘅，如果兩大主角繼續做主角嘅話。

不過唔系。

男主角「況天佑」一直盛傳系黃宗澤，而女主角「馬小玲」由原定薛凱琪，但因為傾唔掂，改為吳千語。

至于長腿萬二蚊，好可能隻系出山客串一下，撐下老公咁話。

唔好藐嘴先。

起碼，吳千語都叫有大長腿。

起碼，兩代「馬小玲」都有機會同場演出。

講翻亞視經典，《我和僵屍有個約會》真系威水過。

《我和僵屍有個約會》于98年11月30日播映，由陳十三等人創作，尹天照、萬绮雯、楊恭如、陳啟泰、吳廷烨、張文慈等人所主演。

計翻都已經系24年前嘅事，如果你細個睇過，甚至吓親過，而家都唔會再驚。

嗰個年代嚟講，劇集故事的确好創新，大講斬妖除魔，主線脈絡清晰，比起而家啲港劇，真系高質好幾倍。

特别系2015年TVB拍嘅題材相似嘅《僵》，嗰套，真系一言難盡。

當年《我和僵屍有個約會》首播時，同TVB台慶劇《烈火雄心》大結局對撼半小時，雖然劇集最終隻得10點收視，但對亞視來講，已經系唔錯，又赢到口碑。

到咗2000年3月《我和僵屍有個約會2》播出後再次爆發，TVB即以《創世紀2天地有情》迎戰，最終《我和僵屍有個約會2》結局當日獲得最高收視22點，占該時段六成收視，打破咗TVB慣性收視定律，成為亞視經典作。

去到2004年播映《我和僵屍有個約會3》，由于故事難明，情節較前兩部更天馬行空，令觀衆較難接受，因此套劇聲勢已經大不如前兩部。

而《我和僵屍有個約會》嘅亮點，最大亮點——

就系萬绮雯每集都會着住短裙大show長腿，人氣急升嘅佢，成為當時當之無愧嘅宅男女神。

另一個亮點就系「馬小玲」每次出招驅魔時，都會講嘅九字真言「臨、兵、鬥、者、皆、陣、列、在、前」以及做手印，亦令人印象深刻。

隔咗咁多年，再翻拍，仲要系電影版，好聽就叫濃縮，唔好聽就系縮水。

仲要男女主角都完全唔同曬，所謂打着「原班人馬」旗号，可能變成打折扣。

再加上片名《我和馬小玲有個約會》，驟眼睇，有啲不倫不類，搞笑劇嘅即視感。

而翻拍經典，通常都系難以超越前作之餘，分分鐘，仲會成為爛片。

唔使舉太多例子，單單系《沖上雲霄》電影版、《使徒行者》電影版就系前車之鑒。

呢兩部改編港劇嘅港産片，票房同口碑都撲曬街。

希望《我和僵屍有個約會》電影版唔會炒車、唔會毀經典啦，雖然呢個機率都幾細下。

更多精彩资讯请关注tft每日頭條，我们将持续为您更新最新资讯!